යුද්ධ හමුදාපතිවරයාගේ සංකල්පයක් හා මඟ පෙන්වීම මත කඳුරුදුව සුබසාධක සමිතිය සහ මරණාධාර සමිතිය සමඟ ඒකාබද්ධව මෙම ප්‍රජා ව්‍යාපෘතිය දියත් කළ අතර වැසි සහිත කාලගුණයත් සමඟ ඩෙංගු රෝගය ව්‍යාප්තවීම වැළැක්වීම ප්‍රදේශයේ සිවිල් වැසියන්ගේ ද සහයෝගය ඇතිව මෙම වැඩසටහන ක්‍රියාත්මක කරව ලදී.
මෙම ව්‍යාපෘතිය ආරම්භයේ මාධ්‍යවේදියෙකු නැගූ ප්‍රශ්නයකට පිළිතුරු දෙමින් යුද්ධ හමුදාපතිවරයා ප්‍රකාශ කර සිටියේ “අන් අයට අනුගමනය කළ හැකි ආදර්ශවත් යමක් සිදු කිරීමේ අදිටනින් යුතුව යුද්ධ හමුදාව මෙම ව්‍යාපෘතිය දියත් කළ බවයි. “
ඩෙංගු මර්ධන හා මත්ද්‍රව්‍ය නිවාරණය පිළිබඳව ජනාධිපති කාර්ය සාධක බලකාය විසින් ලබාදුන් මාර්ගෝපදේශයකට අනුව මෙම ව්‍යාපෘතිය ප්‍රදේශයේ භික්ෂුන් වහන්සේලා, ප්‍රජා නායකයින්, පදිංචිකරුවන්, පාසල් සිසුන් හා සිවිල් වැසියන්, විශාල පිරිසක් ස්වේච්ඡාවෙන් එක්ව කුණු කසළ එකතු කිරීම හා ඩෙංගු මදුරුවන් බෝවන ස්ථාන පරීක්ෂා කිරීම් කටයුතු සිදු කරන ලදී.
කඳුරුව, ධර්මාශ්‍රම විහාරස්ථානය සහ ගොරතාන කඳුරුව ශ්‍රී දීපාරාම විහාරස්ථානය වෙත පැමිණි යුද්ධ හමුදාපතිවරයා, ඩෙංගු උවදුර හා මත්ද්‍රව්‍ය ආදියෙහි ඇති බලපෑම් පිළිබඳව දහම් පාසල් සිසුන් දැනුවත් කිරීමේ අරමුණින් පැවැත්වූ වැඩසටහන සඳහා ද දායකත්වය සපයන ලදී.
