කොස්ගම සාලාව යුද හමුදා කඳවුරේ පසුගියදා ඇති සිද්ධිය හේතුවෙන් සුළු වශයෙන් හානි වූ නිවාස ත්‍රිවිධ හමුදාවේ දායකත්ය යටතේ අලුත්වැඩියා කරමින් පවතින බව ආපදා කළමනාකරණ අමාත්‍ය අනුර ප්‍රියදර්ශන මහතා රජයේ නිල පුවත් වෙබ් අඩවියට අද (10) පැවසීය.
එසේම නැවත පදිංචි වීමට නොහැකි ලෙස බරපතල ලෙස නිවාස හානියට පත් වූවන්ට මාසකට රුපියල් 50,000 බැගින් මාස තුනක කාලයක් ලබා දීමට රජය තීරණය කළ බව ද ඒ මහතා සඳහන් කළේය.
එහිදී ප්‍රාදේශීය ලේකම්වරයා සහතික කිරීමෙන් පසු එම මුදල් ලබා දීම සිදු වන බවත් මේ වන විට අවතැනි කඳවරු 6ක සිටින 1830 පිරිසට අවශ්‍ය සියලු පහසුකම් ලබාදී තිබෙන බවත් අමාත්‍යවරයා පෙන්වා දුන්නේය.
අද වන විට සනීපාරක්ෂ පහසුකම් වැඩි කිරීම සඳහා ද කටයුතු කර තිබෙන අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
