අමාත්‍යවරයා මේ බව පැවසුවේ රුපියල් මිලියන 145ක් වැය කරමින් අංග සම්පූර්ණ අන්දමින් ඉදි කළ කළුතර දොඩංගොඩ ප්‍රාදේශිය ලේකම් කාර්යාලයේ නව ශ්‍රවණාගාරය ජනතා අයිතියට පත් කිරීමේ උත්සව සභාවට එක් වෙමිනි.
එදා රනිල් වික්‍රමසිංහ මහතාගේ ආණ්ඩුව යටතේ දක්ෂිණ අධිවේගී මාර්ගය තැනීම සඳහා සියලු ඉඩම් අත්පත් කර ගැනීමේ කටයුතු අවසන් කර තිබූ බවත්, තමන් තැබූ මුල්ගල ඉකුත් පාලනය එය විවෘත කරන විට ගලවා විසිකර දැමුවද අප එවැනි කටයුතු සිදු කිරීමට තරම් පහත් දේශපාලනයක් නොකරන බවත් ඒ මහතා සඳහන් කළේය.
රනිල් වික්‍රමසිංහ මහතා එදා කර්මාන්ත ඇමති ලෙස කොග්ගල නිදහස් වෙළඳ කලාපය ආරම්භ කළ බවත් ගාල්ලට, කළුතරට අලුත් කර්මාන්ත කලාප ඇති කිරීමට රජයක් කටයුතු කරමින් සිටින බවත් ඒ මහතා පෙන්වා දුන්නේය.
මේ අවස්ථාව සඳහා වෘත්තීය පුහුණු හා නිපුනතා සංවර්ධන අමාත්‍ය මහින්ද සමරසිංහ, පාර්ලිමේන්තු මන්ත්‍රී කුමාර වෙල්ගම යන මහත්වරුන් ඇතුළු පිරිසක් සහභාගී වූහ.
