බංගලාදේශයේ පදිංචි ශ්‍රී ලාංකික බෞද්ධයන් විසින් ඩකා නගරයේ අශුලියා හි ඉදි කරවන ලද මහා ස්ථූපය ලෝකවාසී බෞද්ධ ජනතාවගේ වන්දනාමානය පිණිස විවෘත කරමින් සසුනට පූජා කිරීමේ උත්සවයට සහභාගි වීම සඳහා ශ්‍රී ලංකාවේ කතානායක කරු ජයසූරිය මහතා පසුගියදා බංගලාදේශය බලා පිටත් ගියේය.
මෙම සංචාරයේදී කතානායකවරයා බංගලාදේශ ජනාධිපති අබ්දුල් හමීඩ් පොදු රාජ්‍ය මණ්ඩලයේ අන්තර් පාර්ලිමේන්තු සංගමයේ සභාපති සභාර්චෞද්‍රි , විපක්ෂ නායක බෙගම් එර්ෂාඩ් මහත්මිය, බංග්ලාදේශ නියෝජ්‍ය කතානායක, ඩකා විශ්වවිද්‍යාල උපකුලපතිවරයා ඇතුළු විශේෂ චරිත රැසක් මුණගැසී සාකච්ඡා කිරීමටද නියමිතය.
අශුලියා ස්ථූපය විවෘත කිරීම නිමිත්තෙන් ආගමික උත්සව මාලාවක් පැවැත් වෙන අතර කතානායකවරයා අතින් කොත්වහන්සේ නිරාවරණය කිරීම ද සිදු කෙරිණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
