දිවයිනේ පදිංචියක් සහිත සෑම නිවසකටම ඡන්ද හිමියන් ගණන් ගැනීමේ ආකෘති පත්‍ර ග්‍රාම නිලධාරි මගින් ලබා දීමට කටයුතු කර ඇති බවත් ජුලි 15ට පෙර ඒවා සම්පුර්ණ කර භාර දීමට කටයුතු කරන ලෙසත් සභාපතිවරයා පැවසීය.
ඡන්ද දායකයන්ගේ දිනය නිමිත්තෙන් නාවලපිටිය නගරයේ පැවැති දැනුවත් කිරීමේ වැඩසටහනකට එක්වෙමින් සභාපතිවරයා මෙම ඉල්ලීම කළේය.
ජුනි මස 01 දිනට යෙදුන ඡන්ද දායකයන්ගේ දිනය නිමිත්තෙන් “ඡන්දය ඔබේ අයිතියයි, කිසිදු ඡන්දහිමියෙකු අත්නොහැරෙන මැතිවරණ ක්‍රමයක්“ තේමාව කරගනිමින් මෙම දැනුවත් කිරීමේ වැඩසටහන පැවැත්විණි.
මෙහිදී නගරයේ ජනතාව වෙත අත්පත්‍රිකා බෙදා දීමක් හා පාසැල් සිසුන් ඇතුළු ජනතාව දැනුවත් කිරීමේ සම්මන්ත්‍රණයක් ද පැවැත්විණි.
AP/DMU- Kandy
