ගංවතුර තත්ත්වය හේතුවෙන් හානියට පත් කොළඹ ප්‍රදේශයේ ඝන අපද්‍රව්‍ය බැහැර කිරීමේ කටයුතු සඳහා ඕනෑම ස්වෙච්ඡා සංවිධානයකට සහාය විය හැකි බව සෞඛ්‍ය අමාත්‍යාංශයේ ආපදා පෙර සූදානම් ඒකකයේ වෛද්‍ය නිලධාරී නොයෙල් විජේසිංහ මහතා පවසයි.
කොළඹ,සෞඛ්‍ය අධ්‍යාපන කාර්යාංශයේ පැවැති මාධ්‍ය සාකච්ඡාවකට අද (02) සහභාගී වෙමින් වෛද්‍ය නොයෙල් විජෙසිංහ මහතා මේ බව පැවසීය. පාරිසරික අභියෝග හා පසු ආපදා කළමනාකරණය පිළිබඳව මෙහිදී මාධ්‍ය දැනුවත් කළේ ය.
සහභාගී වීමට කැමැත්ත දක්වන ස්වෙච්ඡා සංවිධාන පළාත් පාලන අමාත්‍යාංශයේ දුරකතන අංක 011-2423146 යන දුරකතන අංකය අමතන ලෙසත් සහභාගී වීමට කැමැති ස්වෙච්ඡා සංවිධන අයි.ඩී.එච්. අඩළ පිහිටි ටී.බී. ඉඅංගරත්න ක්‍රීඩාංගනය අසළට පැමිණෙන ලෙසත් වෛද්‍ය නිලධාරී නොයෙල් විජේසිංහ මහතා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
