මෙහිදී අමාත්‍යවරයා පවසා සිටියේ......... පසුගියදා රටේ ඇතිවු ගං වතුර හා නාය යෑම් නිසා විශාල ජනතාවක් අසරණ තත්වයට පත්ව සිටීම කණාගාටුවට කරුණක් බවත් මේ අවස්ථාවේදී පක්ෂ, පාට, ජාති, කුල නොබලා අප රටේ එකම ජනතාවක් යන හැගීම ඇතිව විපතට පත් ජනතාව වෙනුවෙන් උපකාර කල යුතු බවයි.ඒ අනුව අප අමාත්‍යාංශය යටතේ පවතින සියළු ආයතන වල සේවක සේවිකාවන් වගේම ආර්ථික මධ්‍යස්ථාන වල සිටින වෙළඳ මහතුන්ගේ පූර්ණ කැපවීම මත එකතු කර ගත් මෙම ආධාර ද්‍රව්‍ය වත්තල ප්‍රදේශයේ ජනතාව සඳහා බෙදා දීමට තිරණය කළ බවයි.
තවද ඉදිරි දින කිහිපය තුළ අපේ අමාත්‍යංශය මඟින් විපතට පත් ජනතාව වෙනුවෙන් අපගේ අමාත්‍යාංශයේ සේවක සේවිකාවන්ගෙන් හා අමාත්‍යාංශයට අනුබද්ධ ආයතන වල සිටින දානපතියන්ගේ ආධාර උපකාර ඇතිව නව රෙදි පිළි, පාසල් උපකරණ, පොත් පත් හා ළමයින්ගේ පාසල් නිමි ඇදුම් ලබා දීමට බලාපොරොත්තු වෙනවා.
විපතට පත් ජනතාවගේ ජල හා විදුලි බිල්පත් සඳහා සහනයක් ලබා දීමට අද පැවති කැබිනට් මණ්ඩල රැස්වීමේදී ජනාධිපතිතුමා උපදෙස් දුන්නා. ඒවගේම ඔවුන්ගේ ඉදිරි අනාගතය යහපත් කර ගැනීම සඳහා නිවාස ආධාර, නිවාස තනා දීම වැනි කටයුතු අපගේ රජය මඟින් කරන්න බලාපොරොත්තු වෙනවා යයිද අමාත්‍යවරයා පැවසීය.
මෙම අවස්ථාව සඳහා අමාත්‍යංශ ලේකම් රේනුකා ඒකනායක, වී අලෙවි මණ්ඩලයේ සභාපතිතුමන්,සාමාන්‍යාධිකාරීතුමන් ඇතුළු අමාත්‍යංශ නිලධාරීන් පිරිසක් සහභාගී විය.
AP
