පවත්නා ආපදා තත්ත්වය පහව යනතුරු විපතට පත් ප‍්‍රදේශයන්හි දරුවන්ට පාසල් පැමිණීමේ දී නිල ඇඳුම් වෙනුවට වෙනත් සුදුසු ඇඳුමකින් සැරසී පාසලට පැමිණිමට අවසර ලබා දෙන ලෙස අධ්‍යාපන අමාත්‍ය අකිල විරාජ් කාරියවසම් මහතා නිලධාරීන්ට උපදෙස් ලබා දුන් බව අධ්‍යාපන අමාත්‍යාංශය සඳහන් කරයි.
ආපදා තත්ත්වය හේතුවෙන් නිල ඇඳුම්වලට හානි සිදුවීම, තිබෙන සීමිත ඇඳුම් සංඛ්‍යාව සෝදා වියළා ගැනීමට නොහැකි විම ආදී ප‍්‍රායෝගික ගැටලු මත දරුවන්ට පාසල් පැමිණිමට නොහැකි තත්ත්වයක් මතුව ඇති බවට නැඟුනු මැසිවිලි සැලකිල්ලට ගනිමින් අධ්‍යාපන අමාත්‍යවරයා නිලධාරීන් සමඟ සාකච්ඡා කර මෙම තීරණය ගෙන තිබේ.
ඒ අනුව ආපදා තත්ත්වය පහව යන තුරු එහි බලපෑමට ලක් වූ සිසුන්ට මේ සඳහා අවසරය හිමි වන බව ද අමාත්‍යාංශය වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
