ශ්‍රී ලංකා පාර්ලිමේන්තුවට සූර්ය බලයෙන් විදුලිය සැපයීම පිළිබඳව පසුගිය දා පැවැති පාර්ලිමේන්තු කටයුතු පිළිබඳ කාරක සභාවේ විශේෂ අවධානය යොමුව තිබේ. පාර්ලිමේන්තුවේ ආණ්ඩුපක්ෂයේ නියෝජ්‍ය සංවිධායක, විදුලි බල හා පුනර්ජනනීය බලශක්ති නියෝජ්‍ය අමාත්‍ය අජිත් පී.පෙරේරා මහතා විසින් මෙම යෝජනාව කාරකසභාව වෙත යොමු කර ඇත.
මේ වනවිට රටතුළ අතිව තිබෙන හදිසි ආපදා තත්ත්වය පිළිබඳවද එම අවස්ථාවේ දී සාකච්ඡා වූ අතර නියෝජ්‍ය අමාත්‍යවරයා පෙන්වා දී ඇත්තේ,අනාගතයේ දී මුහුණදීමට සිදුවන බලශක්ති අර්බුදයට මේ වැඩසටහන ක්‍රියාත්මක කිරීම මඟින් විශේෂ ප්‍රතිලාභ රැසක් අත්වන බවයි.
ඒ අනුව විදුලිය උත්පාදනය කිරීමට අදාළ සූර්ය පැනල දියවන්නාවේ ස්ථාපිත කර පාර්ලිමේන්තු සංකීර්ණයට විදුලිය සැපයීමට අවශ්‍ය පියවර ගනීම සඳහා අවධානය යොමු වී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
