ඒ මහතා මේ බව ප‍්‍රකාශ කළේ ඊයේ (17) කෑගල්ල දිසා ලේකම් කාර්යාලයේ පැවති විශේෂ ආපදා කළමනාකරණ රැස්වීමකට සහභාගී වෙමිනි.
මෙම අයහපත් කාලගුණ තත්ත්වය නිසා වඩා වැඩිම හානි සිදු වී තිබෙන දිස්ති‍්‍රක්කය ලෙස කෑගල්ල දිස්ති‍්‍රක්කය හැඳින් විය හැකි බවත් ඊයේ වන විට පවුල්වල සමාජිකයන් 77,448ක වැඩි ප‍්‍රමාණයක් පීඩාවට පත් වී සිටින බවත් අමාත්‍යවරයා පෙන්වා දුන්නේය.
ඒ අනුව නිවාස 38ක් සම්පූර්ණයෙන්ම විනාශයට පත් වී තිබෙන අතර අර්ධ හානි ලැබූ නිවාස සංඛාව 834ක් වේ.
මීට අමතරව ප‍්‍රධාන මාර්ග ගිලා බැසීම්, විදුලි බිඳ වැටීම්, නාය යෑම්, ජීවිත හානි, වාර්තා වී තිබෙන අතර සමස්තයක් ලෙස මේ සියල්ල තුළින් කෑගල්ල දිස්ති‍්‍රක්කයේ ජනජීවිතයට දැඩි බලපෑම් එල්ල වී තිබෙන බවත් මෙවැනි තත්ත්වයන් ගැන ඉදිරියේදී වඩාක් ගැඹුරින් කටයුතු කිරීමට සූදානම් බවත් අමාත්‍යවරයා වැඩිදුරටත් ප‍්‍රකාශ කළේය.
