එය තවදුරටත් ඈතට ගමන් කරමින් පවතින බැවින් වැසි සහිත කාලගුණ තත්ත්වය, විශේෂයෙන් දිවයිනේ උතුරු ප්‍රදේශයේ ඉදිරි දින කිහිපයේදී ක්‍රමයෙන් අඩුවනු ඇත.
නමුත් දිවයිනේ නිරිත දිග ප්‍රදේශයේ වැසි සහිත කාලගුණ තත්ත්වය තවදුරටත් බලාපොරොත්තුවේ. එසේම තද සුළං සහිත කාලගුණ තත්ත්වය විශේෂයෙන් දිවයින අවට මුහුදු ප්‍රදේශවල තවදුරටත් පවතිනු ඇත.
දිවයිනේ උතුරු, වයඹ, බස්නාහිර, මධ්‍යම, දකුණු සහ සබරගමුව පළාත්වල විටින් විට වැසි හෝ ගිගුරුම් සහිත වැසි ඇතිවේ.
ඇතැම් ස්ථාන වලට තද වැසි (100mm ට වැඩි) ඇතිවිය හැක.
අනෙකුත් ප්‍රදේශවල තැනින් තැන වැසි හෝ ගිගිරුම් සහිත වැසි ඇති වේ.
ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටි.
