ජගත් පරිසර දින ජාතික සැමරුම් උත්සවය ලබන ජූනි 5 වැනි දින මාතලේ දිස්ත්‍රික්කයේ පැවැත්වීමට මහවැලි සංවර්ධන හා පරිසර අමාත්‍යාංශය කටයුතු සංවිධානය කර ඇත.
මෙහි ජාතික සැමරුම් උත්සවයට සමගාමීව ලබන මැයි 30 සිට ජූනි 5 දක්වා ජාතික පරිසර සතියක් ප්‍රකාශයට පත්කර ඇත.
ඊට අදාළ පරිසර සංරක්ෂණ වැඩසටහන් සියලු රාජ්‍ය ආයතන, පාසල්, පළාත් පාලන ආයතනවල සහභාගීත්වයෙන් සහ පෞද්ගලික හා රාජ්‍ය නොවන අංශයන්හි සක්‍රීය දායකත්වයෙන් ක්‍රියාත්මක කෙරේ.
"වනජීවී සම්පත් නීති විරෝධී ලෙස අලෙවි කිරීමට එරෙහි වෙමු" යන තේමාවෙන් මෙවර ජගත් පරිසර දිනය සමරනු ලැබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
