බංග්ලාදේශ සෞඛ්‍ය අමාත්‍යවරයා ඇතුළු නිලධාරීන් පිරිසක් වැඩබලන සෞඛ්‍ය අමාත්‍ය ෆයිසාල් කාසීම් මහතා සමඟ සෞඛ්‍ය අමාත්‍යාංශයේ දී සාකච්ඡාවක නිරත වූ බව සෞඛ්‍ය අමාත්‍යාංශය සඳහන් කරයි.
මෙහිදී එරට සෞඛ්‍ය සේවාව නංවාලීම පිළිබඳව සාකච්ඡා කරන ලද අතර, ශ‍්‍රී ලංකාවේ ක‍්‍රියාත්මක නිදහස් සෞඛ්‍ය සේවාව එරට ක‍්‍රීයාත්මක කිරීම පිළිබඳව අධ්‍යයනයක ද නිරත විය.
ප‍්‍රාථමික සෞඛ්‍ය සේවාව, සෞඛ්‍ය සංවර්ධන කටයුතු, සෞඛ්‍ය පරිපාලන ව්‍යුහය, පිළිබඳ අධ්‍යයනයක නිරත වූ බංග්ලාදේශ සෞඛ්‍ය අමාත්‍යවරයා මෙරට සෞඛ්‍ය සේවාව ලබා ඇති දියුණුව ද පැසසුමට ලක් කළේය.
මෙම අවස්ථාවට සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය පාලිත මහීපාල මහතා ද එක්විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
