සියලුම පක්ෂ නායකයින් එම සිද්ධිය තරයේ හෙළා දකින බව ප්‍රකාශ කළ බව රජයේ ප්‍රවෘත්ති දෙපාර්තමේන්තුවේ අද (03) පැවති විශේෂ මාධ්‍ය හමුවේදී අමාත්‍යවරයා සඳහන් කළේය.
ඒ මහතා ප්‍රකාශ කළේ මේ වන විට එම වාර්තාව සකස් කිරීමේ කටයුතු කැමරා දර්ශන නිරීක්ෂණය කරමින් ආරම්භ කර තිබෙන බවයි.
මීට පෙරද පාර්ලිමේන්තු සභා ගර්භය තුළ ඇති වූ සිද්ධීන් පිළිබඳ විස්තර කළ අමාත්‍යවරයා ප්‍රකාශ කළේ පාර්ලිමේන්තුවේ උත්තරීතර භාවය විශාල අගෞරවයක් සිදු වන ආකාරයේ සිද්ධීන් සම්බන්ධයෙන් කටයුතු කිරීමට පාර්ලිමේන්තුවේ ස්ථාවර නියෝග මෙන් පාර්ලිමේන්තු වරප්‍රසාද පනත යටතේ කටයුතු කළ හැකි බව ද පෙන්වා දුන්නේය.
පාර්ලිමේන්තුවේ උත්තරීතර භාවය ආරක්ෂා කර ගැනීම සඳහා බලවත් නීති පද්ධතියක් තිබෙන බව ද ඒ මහතා වැඩිදුරටත් සඳහන් කළේය.
