පාර්ලිමේන්තුවේ අද (03) දින ඇති වූ නොසන්සුන්කාරී තත්ත්වය හේතුවෙන් වැදගත් කටයුතු රැසක් සිදු කිරීමට නොහැකි වූ බව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා පැවසීය.
මින් ඉදිරියට මෙවැනි තත්ත්වයක් ඇති නොවීමට කටයුතු කිරීමේ අවශ්‍යතාව තිබෙන බව අද (03) රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය හමුවේදී අමාත්‍යරයා පෙන්වා දුන්නේය.
විරුද්ධ මතවලට සවන්දීමට නොහැකි වූ පිරිසක් අද දින කලහාකාරී ලෙස හැසිරුනු බවත් මෙම පිරිස ආණ්ඩු පක්ෂයේ සිටියේදී එලෙස කටයුතු කළ බවත් අමාත්‍යවරයා සඳහන් කළේය.
මෙවැනි තත්ත්වයන් පාලනය කරමින් මහත්මා දේශපාලනයක් ඇති කිරීම වෙනුවෙන් පුළුල් පරීක්ෂණයක් පවත්වා තීරණයක් ගත යුතුව තිබෙන බව ද ඒ මහතා වැඩිදුරටත් පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
