ජනමාධ්‍ය නිදහස යටතේ රටවල් 180කින් ශ්‍රී ලංකාව වත්මන් රජය තුළ 165 වැනි ස්ථානය සිට 141 දක්වා ඉදිරියට පැමිණ සිටින බව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යාංශයේ ලේකම් නීතිඥ නිමල් බෝපගේ මහතා පැවසීය.
ඒ අනුව මාධ්‍ය නිදහස තුළ පියවර 24ක් ඉදිරියට පැමිණීමට හැකි වී තිබෙන බවත් මාධ්‍ය නිදහස තුළ හැකිතාක් නිවැරදි තොරතුරු ලබා දිය යුතු බවත් ලේකම්වරයා පෙන්වා දුන්නේය.
ලෝක ජනමාධ්‍ය දිනය වෙනුවෙන් රජයේ ප්‍රවෘත්ති දෙපාර්තමේන්තුවේ අද (03) පැවති වැඩමුළුවකට එක්වෙමින් ලේකම්වරයා මේ බව සඳහන් කළේය.
තමාට සැඟවූ න්‍යාය පත්‍රයක් නොමැති බව ද ඒ මහතා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
