ඉන් පසු පැවැති විශේෂ සාකච්ඡාවේ දී ශ‍්‍රී ලංකාවේ කෘෂිකර්මාන්තය සදහා කෘෂි රසායන හා පොහොර භාවිතය, වී නිෂ්පාදනය, වකුගඩු රෝගය, වැනි කරුණූ පිළිබඳ දිර්ඝ ලෙස සාකච්ඡා කරන ලදි.
මෙහිදී සෞඛ්‍ය අමාත්‍යවරයා ප‍්‍රකාශ කළේ, ගොවි ජනතාව වකුගඩු රෝගයට මෙන්ම දියවැඩියා රෝගයට බහුල වශයෙන් ගොදුරු වී ඇති බවයි. ඊට හේතු වී ඇත්තේ සම්ප‍්‍රදායික කෘෂි කර්මාන්ත ක‍්‍රම වෙනුවට යන්ත‍්‍ර සුත‍්‍ර භාවිතයට හුරුවීම නිසා බවත්, ඒ පිළිබඳව ද සොයා බලන ලෙස සෞඛ්‍ය අමාත්‍යවරයා සෞඛ්‍ය අමාත්‍යාංශයේ නිලධාරීන්ට උපදෙස් ලබාදෙන ලදි.
මෙම අවස්ථාවට සෞඛ්‍ය ලේකම් අනුර ජයවික‍්‍රම මහතා, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය පාලිත මහීපාල මහතා, නියෝජ්‍ය අධ්‍යක්ෂ ජනරාල් (මහජන සෞඛ්‍ය) වෛද්‍ය සරත් අමුණුගම මහතා සහ ලෝක කෘෂිකර්ම සංවිධානයේ නියෝජිතයින් එක්ව සිටියහ.
