වත්තල ප්‍රදේශයේ අද අලුයම 3.00ත් 3.30ත් අතර කාලයේ දී වත්තල පොලිස් වසමේ මාබෝල වැලිකඩමුල්ල ප්‍රදේශයේ කරන්ටේනර් රථයක් මාර්ගයෙන් ඉවතට පැන විදුලි කණුවක ගැටීම හේතුවෙන් එම මාර්ගයේ ඇති වී තිබෙන රථවාහන තදබදයට විකල්ප මාර්ග යොදා ගන්නා ලෙස පොලීසිය මහජනතාවගෙන් ඉල්ලා සිටි.
මේ හේතුවෙන් සුළු රථවාහන තදබදයක් ඇති වී ඇති අතර එය අවම කිරීම සඳහා පහත සඳහන් ලෙස විකල්ප මාර්ග භාවිත කළ හැකිය.
එනම් කොළඹ සිට වත්තල දෙසට ගමන් කරන රථ වාහන හැඳල හන්දියෙන් ඇලකන්ද දෙසට ගමන් කර කෙරවලපිටිය ප්‍රාදේශිය සභාව අසලින් දකුණට ඇති ගුණසේකර මාවත ඔස්සේ වත්තල මීගමුව මාර්ගයට පිවිසිය හැකිය.
මෙම අනතුරින් කිසිවෙකුටත් තුවාල වී නොමැති අතර අසල නිවසකට පමණක් හානි සිදු වී තිබෙන බව පොලීසිය වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
