නිකුත් කළ නිවේදනයේ මෙසේද සඳහන් වෙයි.
''සිංහල හා හින්දු අලුත් අවුරුදු උළෙල සමාජ් සංහිදියාව උදෙසා උපයෝගී කරගත හැකි උතුම් සංස්කෘතික උළෙලක් වශයෙන් මම සිතමි. විශේෂයෙන්ම හිරු දෙවියන් පිදීම අරමුණු කරගෙන නිපන් මෙම උත්සවය හිරුගේ ශක්තිය,බලය විදහාපාන උළෙලක් බව කිව යුතුය. සූර්ය වන්දනාව බොහෝ රටවල බොහෝ සංස්කෘතීන් හි ගැබ් වූ ලක්ෂණයකි. විශේෂයෙන් ම සිංහල ජනතාව මෙන්ම හින්දු ජනතාව තම භවබෝග සම්පත් වර්ධනය කරන්නා වූ ශක්තිය ලෙස හිරු දෙවියන් සළකති.
අන් කවර කලෙකටත් වඩා සමාජ සංහිඳියාව පිළිබඳව කතා කරන සහ අවධානය යොමු කර තිබෙන මෙවන් වකවනුවක උදාවන නව අවුරුද්ද අපට ජාතික සමගිය පවත්වා ගැනීම කියා දෙන ඉතාමත් මහගු උත්සවයකි. අප රටේ ජීවත්වන සිංහල හා දෙමළ දෙජාතියම එකට එක්ව සමරන මෙම උත්සවය අපට ඉතා වැදගත් වන්නේ සමඟියෙන් කටයුතු කිරීමේ ඇති වැදගත්කම පිළිබිඹු කරන නිසාය.
එම නිසා 2016 උදාවන නව වසර ශ්‍රී ලංකාවාසීන්ට ජයග්‍රහණ හිමිකර දෙන්නා වූ නව වසරක් වේවායි පතමි.
මහින්ද අමරවීර,
එ.ජ.නි.ස. මහලේකම් හ ධීවර හා ජලජ සම්පත් සංවර්ධන අමාත්‍ය
