අලුත් අවුරුදු සමයේ පවත්වන අවුරුදු උත්සවවලදී සිදුවීමට ඉඩ ඇති ක්‍රීඩා අනතුරු සම්බන්ධයෙන් අවධානය යොමු කරන ලෙස එම ක්‍රීඩා සංවිධානය කරන සංවිධායකයින්ගෙන් ඉල්ලා සිටින බව කොළඹ ජාතික රෝහලේ අධ්‍යක්ෂ විශේෂඥ වෛද්‍ය අනිල් ජාසිංහ මහතා පවසයි.
වෛද්‍ය අනිල් ජාසිංහ මහතා පෙන්වා දෙන්නේ,විශාල ක්‍රීඩා ප්‍රමාණයක් මෙම උත්සව දිනවල පැවැත්වෙන අතර සිදුවන අනතුරු ප්‍රමාණය ද වැඩි බවය.බයිසිකල් රේස්, ලිස්සන ගහේ නැගීම, කොට්ට පොර ත්‍රඟ පැවැත්වීමේදී සිදුවීමට ඉඩකඩ ඇති අනතුරු සම්බන්ධයෙන් අවධානය යොමු කරන ලෙසත් ආරක්ෂාව සම්බන්ධයෙන් හා අනතුරු වළක්වා ගැනීම සම්බන්ධයෙන් කටයුතු කරන ලෙසත් හදිසි ප්‍රථමාධාර පහසුකම් සළසාගැනීමට කටයුතු කරන ලෙසත් වෛද්‍ය අනිල් ජාසිංහ මහතා ඉල්ලා සිටියි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
