අලුත් අවුරුදු සමයේ ගිණිකෙළි කුඩා දරුවන්ට භාවිතා කිරීමට ලබාදීම සුදුසු නොවන බවත් බීමත් අය ගිණිකෙළි දැල්වීමෙන් වළකින ලෙසත් ජාතික රෝහලේ අධ්‍යක්ෂ,විශේෂඥ වෛද්‍ය අනිල් ජාසිංහ මහතා පවසයි.
ගිණිකෙළි භාවිතයෙන් හැකිතරම් ඈත්වීම සුදුසු බව පෙන්වා දුන් වෛද්‍ය අනිල් ජාසිංහ මහතා,ප්‍රමිතියෙන් යුත් සාමාන්‍ය ගිණිකෙළි භාවිත කරන ලෙසත් ගිණි කෙළි දැල්වීම සුරතේ තබාගෙන සිදු නොකළ යුතු බවත් කිසියම් ස්ථානයක තබා දැල්වීම සුදුසු බවත් පැවසී ය.
ගිණිකෙළි නිසා සිදුවන අනතුරු ඉතා බරපතල බවින් එය සුරතට සහ ඇසට හා මුහුණට බරපතල අනතුරු ගෙන දෙන්නක් බවද වෛද්‍ය අනිල් ජාසිංහ මහතා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
