රජයේ ප්‍රවෘත්ති දෙපාර්තමේන්තුවේ අද (07) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී ඒ මහතා මේ බව සඳහන් කළේය.
ආරක්ෂක මණ්ඩල රැස්වීමේදී ප්‍රභූ ආරක්ෂාව සම්බන්ධයෙන් සාකච්ඡා කර තිබෙන බවත් ප්‍රභූ ආරක්ෂාව සඳහා විශේෂ අවස්ථාවක හැර හමුදා නිලධාරීන් යොදවන්නේ නැති බවත් ලේකම්වරයා පෙන්වා දුන්නේය.
ඒ අනුව හිටපු ජනාධිපතිවරයාගේ ද ආරක්ෂාව වෙනුවෙන් පොලිස් නිලධාරීන් හා විශේෂ කාර්ය බලකායේ නිලධාරීන් යෙදවීමට කටයුතු කර තිබෙන අතර එහිදී හිටපු ජනාධිපතිවරයාගේ ආරක්ෂාවට කිසිදු බලපෑමක් සිදු නොවන බව ආරක්ෂක ලේකම්වරයා අවධාරණය කර සිටියේය.
හදිසි නීතිය ක්‍රියාත්මක වන අවස්ථාවේදී හමුදා ආරක්ෂාව ප්‍රභුවරුන් සඳහා යොදා ගැනීම සිදු වන අතර මේ වන විට රටේ පවතින හදිසි නීතිය ක්‍රියාත්මක නොව බවත් හිටපු ජනාධිපතිවරයාගේ ආරක්ෂාව වෙනුවෙන් මේ වන විට පොලිස් නිලධාරීන් ද යවා ඇති අතර එකවරම හමුදා ආරක්ෂක නිලධාරීන් ඉවත් කිරීමක් සිදු නොවන බව ද ආරක්ෂක ලේකම්වරයා සඳහන් කළේය.
වර්තමානයේ ජනාධිපතිවරයාට සහ අග්‍රාමාත්‍යවරයාට පොලිස් ප්‍රභූ ආරක්ෂාව පමණක් ලබා දී තිබෙන බවත් ප්‍රභූ ආරක්ෂාව ලබාදීම නීතිය හා සාමය ආරක්ෂා කිරීමේ පොලිස් දෙපාර්තමේන්තුව යටතේ සිදු වන බවත් ඒ මහතා වැඩිදුරටත් සඳහන් කළේය.
