ඒ අනුව එම දත්ත සංචිතයේ තොරතුරු සියලුම රාජ්‍ය ආයතන, රාජ්‍ය නොවන ආයතන සහ මහජනතාව වෙත විවෘත කිරීමට හා අවශ්‍ය අවස්ථාවන්හිදී ඔවුන්ගේ සේවය රාජ්‍ය ආයතන වෙත ලබාගැනීම ද සිදු වේ.
මේ සඳහා කැබිනට් අනුමැති ද ලැබී ඇති අතර සෑම පුරවැසියෙකුටම තම මව්බසින් රජය සමඟ කටයුතු කිරීමට ඇති අයිතිය ආණ්ඩුක්‍රම ව්‍යවස්ථාව මඟින් තහවුරු කර ඇත.
මෙම අයිතිය ක්‍රියාවට නැංවීම පිණිස රජය විසින් වරින්වර නොයෙකුත් පියවර ගෙන තිබුණද තවමත් රාජ්‍ය ආයතනවල සිංහල /දෙමළ හා ඉංග්‍රීසි යන භාෂා දෙකකින් (ද්විභාෂා) හෝ සිංහල, ඉංග්‍රීසි හා දෙමළ යන භාෂා තුනෙන්ම (ත්‍රෛභාෂා) කටයුතු කිරීමට හැකි නිලධාරින්ගේ සැලකිය යුතු ඌනතාවක් පවති.
