ඇමරිකානු නාවික හමුදාවේ 7 වන නෞකා දියත් විධානයේ අණදෙන නිලධාරී වයිස් අද්මිරාල් අව්කොයින් මහතා සහ ආරක්ෂක මාණ්ඩලික ප්‍රධානී එයාර් චීෆ් මාෂල් කෝලිත ගුණතිලක මහතා අතර හමුවක් ඊයේ (28) ආරක්ෂක මාණ්ඩලික ප්‍රධානී කාර්යාලයේදී සිදුවිය.
මෙහිදි ද්විපාර්ශවික වශයෙන් වැදගත් කරුණු සාකච්ඡා වු අතර මෙම හමුව සිහිගැන්විම පිණිස දෙපාර්ශවය අතර සමරු තිළිණ හුවමාරුවක් ද සිදුවිය.
ඇමරිකානු නාවික හමුදාවේ 7 වන නෞකා දියත් විධානයේ ධජ නෞකාව වන "බ්ලූ රිජ්" යුද නෞකාව සුහද සංචාරයක් සඳහා (26) කොළඹ වරායට පැමිණි අතර "බ්ලූ රිජ්" යුද නෞකාව ටොන් 19,200ක ධාරිතාවයකින් හා දහසකට වැඩි නැව් මුළුවකින් යුක්ත වේ. එය මාර්තු මස 31 වන දින දිවයිනෙන් පිටත් වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
