මේ බව අනාවරණය වුයේ පළාත් සභා මැතිවරණය හා පවතින වත්මන් තත්ත්වය පිළිබඳ පළාත් සභා හා පළාත් පාලන අමාත්‍ය ෆයිසර් මුස්තාපා මහතාගේ ප්‍රධානත්වයෙන් රජයේ ප්‍රවෘත්ති දෙපාර්තමේන්තුවේ පැවති මාධ්‍ය දැනුවත් කිරීමේ සාකච්ඡාවේදීය.
සීමා නිර්ණය පිළිබඳ අභියාචනා විමර්ශන කමිටුව වෙත පැමිණිලි භාර ගැනීම පෙබරවාරි 20 වෙනිදායින් අවසන් වීමට නියමිතව තිබුනද මේ වන විටත් පැමිණිලි ලැබෙමින් පවතින බැවින් තවත් මාස 6 කින් එය දිර්ඝ කළ බව අමාත්‍යවරයා මෙහිදී පැවසීය.
මේ වන විට මෙම කමිටුව විසින් දිස්ත්‍රික්ක අටක පැමිණිලි විමර්ශනය කර ඇති බවත් එම කමිටුවට ඉදිරිපත්වී ඇති පැමිණිලි සලකා බැලීමේදී සෑම දිස්ත්‍රික්කයකම කොට්ඨාශ සීමා නිර්ණය නැවත සිදු කළ යුතු බවද මෙහිදී අනාවරණය විය.
කොට්ඨාශ මායිම් සහ සංයුතිය වෙනස් කිරීම, කොට්ඨාශවල නම් වෙනස් කිරීම, අංක වෙනස් කිරීම ලැබී ඇති පැමිණිලි වර්ගයන් වේ.
මෙම සීමා නිර්ණයන් සදහා ගතවන කාලයට වඩා එය හරියාකාරව සිදු කිරීම වඩා වැදගත් බවද අමාත්‍යවරයා මෙහිදී පැවසීය.
AP
