රජයේ ප්‍රවෘත්ති දෙපාර්තමේන්තුවේ අද (21) පැවති මාධ්‍ය හමුවේදී අමාත්‍යවරයා මේ බව සඳහන් කළේය.
“ ජලය හා සේවා නියුක්තිය“ යන්න මෙවර ලෝක ජල දින තේමාව වන අතර ජල දින විශේෂ දේශනයක් මහාචාර්ය සරත් විජේසූරිය මහතා පැවැත්වීමට නියමිත බව ද අමාත්‍යවරයා සඳහන් කළේය.
පර්යේෂණ කටයුතු පිළිබඳ සම්මන්ත්‍රණය, වකුගඩු රෝග පිළිබඳ සම්මන්ත්‍රණය, ජල ගැටලු විසඳීමේ විශේෂ ඡංගම සේවා, පාරිභෝගික අයිතිවාසිකම් සැලසීමේ වැඩසටහන් ද පැවැත් මීට සමගාමීව පැවැත්වේ.
පාසල් සිසුන්ද දැනුවත් කිරීමේ වැඩසටහන් ද මීට සමගාමීව ක්‍රියාත්මක කෙරන බව පෙන්වා දුන් අමාත්‍යවරයා පාසල් රචනා පෝස්ටර් කථීක , කෙටි නාට්‍ය තරග දිවයිනේ සියලුම පාසල් නියෝජනය වන ලෙස පැවත්වීමට කටයුතු යොදා ඇත.
එසේම ජල සම්පාදන මණ්ඩලයේ දීර්ඝ කාලීන සේවා උපහාර දැක්වීමේ වැඩසටහනක් ද පැවත්වෙන අතර මෙම මණ්ඩලයේ විවිධ අංශවලින් සුවිශේෂීව කටයුතු කරන කාර්යාල ඇගයීම ද සිදු කෙරේ.
කැලණිය ගගේ ජලය සුරක්ෂිත කිරීම පිළිබඳ අවට ජනතාව දැනුවත් කිරීමේ වැඩසටහනක් ද ක්‍රියාත්මක කෙරෙන අතර මණ්ඩලයේ කාර්යාල, වැඩබිම් සහ ජලමූලාශ්‍ර ආශ්‍රිතව පැල සිටුවීමේ ව්‍යාපෘති ක්‍රියාත්මක කිරීමට සැලසුම් කර තිබේ.
