අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මත ජාතික පාසල්වල ගුරුවරුන්ගේ හිඟ වැටුප් ගෙවීම සඳහා අවශ්‍ය මූල්‍ය ප්‍රතිපාදනයන් අධ්‍යාපන අමාත්‍යාංශය මගින් ඒ ඒ පළාත් අධ්‍යාපන කාර්යාලවලට නිදහස් කර යවා ඇති බව අධ්‍යාපන අමාත්‍යාංශය සඳහන් කරයි.
කලාප අධ්‍යාපන කාර්යාල මගින් මෙම ජාතික පාසල් ගුරුවරුන්ගේ හිඟ වැටුප් සකස් කරමින් පවතින අතර එම සකස් කිරීම් අවසන් වන වහාම ගෙවීමට හැකිවන පරිදි අවශ්‍ය මුදල් ප්‍රතිපාදන අමාත්‍යාංශය විසින් දැනටමත් නිදහස් කර ඇති අතර ඒ අනුව ගෙවීම් සිදු කරන ලෙස අමාත්‍යාංශය විසින් අදාළ පළාත් අධ්‍යාපන කාර්යාල වෙත දැනුම් දී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
