රජයේ ප්‍රවෘත්ති දෙපාර්තමේන්තුවේ අද (11) පැවති මාධ්‍ය හමුවේදී ඒ මහතා මේ බව සඳහන් කළේය.
ජාතියට වග කියන කාබනික පොහොර නිෂ්පාදනය ආරම්භ කර තිබෙන අතර දේශාපාලන වාසි වෙනුවෙන් එම වැඩපිළිවෙළට විරුද්ධව කටයුතු කරන පිරිසක් සිටින බව ද ප්‍රධාන අමාත්‍යවරයා සඳහන් කළේය.
බස්නාහිර පළාත් ඇතුළුව පළාත් කිහිපයකම මේ වන විට කාබනික පොහොර නිෂ්පාදනය ආරම්භ කර තිබෙන අතර තවදුරටත් රසායනික පොහොර භාවිත කළ යුතු නැති බවත් ඒ මහතා පෙන්වා දුන්නේය.
නොමිලේ පොහොර ලබා දීමේ වැඩසටහනට වෙනුවට රුපියල් 350ට පොහොර ලබා දෙන ලෙස උද්ඝෝෂණ කිරීම ඇතැම් පිරිස් යොමු වී තිබෙන්නේ සුළු පිරිසකගේ දේශපාලන වාසි වෙනුවෙන් බව පෙන්වා දුන් ප්‍රධාන අමාත්‍යවරයා වස විසෙන් තොර ආහාර ප්‍රතිපත්තිය ජනාධිපති මෛත්‍රීපාල සිරිසේන මහතාගේ නායකත්වය යටතේ හඳුන්වා දී තිබෙන බව ද වැඩිදුරටත් සඳහන් කළේය.
බස්නාහිර පළාත් සභා අමාත්‍ය ලලිත් වනිගරත්න, සබරගමුව පළාත් සභා අමාත්‍ය රංජිත් බණ්ඩාර යන මහත්වරුන් ද මෙම අවස්ථාවට එකව සිටියහ.
