මින්පෙර ජය බහලුම් පර්යන්තයට විශාල නෞකා පැමිණිය ද එකම අවස්ථාවක විශාල නෞකා 03ක් එකවර පැමිණි පළමු අවස්ථාව මෙය  වේ.

ශ්‍රී ලංකා වරාය අධිකාරියට අයත් ජයබහළුම් පර්යන්තය මෙම වාර්තාව පිහිටු වූයේ අද අලුයමයි.

MSC  Jovanna, Ever  Lenient  සහ MSC  Toronto  එම නෞකා වේ. මේ අතරින් මීටර් 337ක දිගියන් යුත් MSC  Jovanna නෞකාවෙහි සමස්ත බහලුම් ධාරිතාව 9178 ක් වේ.  

Ever  Lenient නෞකාවේ දිග 335කි. එහි සමස්ත බහළුම් ධාරිතාව 8500ක්  විය.

MSC  Toronto  නෞකාව මීටර් 325ක දිගින් යුක්ත අතර එහි සමස්ත බහළුම් ධාරිතාව 8089 ක් වේ.

 කොළඹ වරායේදී මෙම නෞකා ත්‍රිත්වය මේ වන විට මෙහෙයවූ බහළුම් ප්‍රමාණය 6188ක් ලෙස සටහන් වන බව එම කාර්යාලය වැඩිදුරටත් සඳහන් කරයි.