ලෝක වකුගඩු දිනය මාර්තු 08 දිනට යෙදී තිබේ.ජාතික රෝහලට අනුබද්ධිත ජාතික වෘක්තවේද කාන්දු පෙරණ හා වකුගඩු බද්ධ කිරීමේ ජාතික ආයතනය හ ශ්‍රී ලංකා වකුගඩු රෝගීන් සුරැකීමේ සංවිධානය ,සෞඛ්‍ය අධ්‍යාපන කාර්යාංශය සමඟ එක්ව සම්මන්ත්‍රණය සංවිධානය කර තිබේ.
හදිසි අනතුරකින් හෝ ආපදාවකින් මොළය මරණයට පත් වූ රෝගීන්ගේ සක්‍රීය වකුගඩු,වකුගඩුවක් බද්ධ කිරීමට අවශ්‍ය පුද්ගලයන් වෙත ප්‍රදානය කිරීම අරමුණු කරගෙන වකුගඩු හා අනෙකුත් අවයව ප්‍රදානය කිරීම සඳහා තම අභිලාශය පළ කිරීමේ විශේෂ ආකෘති පත්‍රය හඳුන්වාදීමත්, මෑතකදී පිහිට වූ ශ්‍රී ලංකා වකුගඩු රෝගීන් සුරැකීමේ සංවිධානය පිළිබඳව මෙම සම්මන්ත්‍රණයේ දී දැනුවත් කිරීමට නියමිතය.
සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය පාලිත මහීපාල, වකුගඩු රෝග නිවාරණ ජනාධිපති කාර්ය සාධක බලකායේ අධ්‍යක්ෂ, අසේල ඉද්දවෙල යන මහත්වරු මේ අවස්ථවට ප්‍රධාන අරාධිතයන් ලෙස සහභගී වීමට නියමිතය.
