අමාත්‍ය මණ්ඩල තීරණ දැනුම් දීමේ මාධ්‍ය හමුව රජයේ ප්‍රවෘත්ති දෙපාර්තමේන්තුවේ පැවති අතර එහිදී ඒ මහතා මේ බව සඳහන් කළේය.
අමාත්‍යවරයා ප්‍රකාශ කළේ පළාතෙන් පලාතට පස හා දේශගුණය වෙනස් වන බැවින් ගොවි මහතාට තම වගා භූමියේ පසට අවශ්‍ය ප්‍රමාණයට පොහොර යෙදීමට අවස්ථාව ලැබෙන බවයි.
එහිදී අනවශ්‍ය ලෙස පසට රසායනික ද්‍රව්‍ය එකතු වීම වැළැක්වෙන බව පෙන්වා දුන් අමාත්‍යවරයා ගොවි ජනතාවට අවශ්‍ය ලෙස රසායනික පොහොර වෙනුවට කාබනික පොහොර සඳහා මාරු වීමට අවස්ථාව ලැබෙන බව ද සඳහන් කළේය.
එසේම පොහොර ලබාදීම තුළදී එක් ගොවිජන සේවා මධ්‍යස්ථානයකට අයත් සියලු ගොවීන් මුදල් ගෙවා අවසන් වන තුරු පොහොර නිකුත් කිරීමක් සිදු නොවූ අතර මුලින් මුදල් ගෙවූ ගොවි මහතාට එහිදී අසාධාරණයක් සිදු වූ බවත් මෙම මුදල් ලබාදීමේදී එවැනි ප්‍රමාදයකින් තොරව මුදල් ලබා ගෙන නිසි වේලාවට ගොවිතැන සඳහා පොහොර යෙදවීමට අවස්ථාවට ලැබෙන බවත් අමාත්‍යවරයා පෙන්වා දුන්නේය.
ලබන අගහරුවාදා පැවැත්වෙන ආර්ථික කමිටුවේදී අනෙකුත් වගාවන් සඳහා පොහොර සහනාධාරය ලබා දීම පිළිබඳ සාකච්ඡා කරන බව ද අමාත්‍යවරයා වැඩිදුරටත් පැවසීය.
