රජයේ ප්‍රවෘත්ති දෙපාර්තමේන්තුවේ අද (01) පැවති මාධ්‍ය හමුවේදී ඒ මහතා මේ බව සඳහන් කළ අතර කොමිසන් සභා තුළින් ඒ නිලධාරීන්ට ස්වාධීනව කටයුතු කිරීමට අවස්ථාව ලබා දී තිබෙන බව ද පෙන්වා දුන්නේය.
අල්ලස් දූෂණ අවම කිරීම සඳහා නිත්‍යානූකූලව කටයුතු කරන අතර එය ප්‍රජාතන්ත්‍රවාදීව සිදු කරන බවත් ජනතා අපේක්ෂා ඉටු කරන වැඩපිළිවෙළක් ආරම්භ කර තිබෙන බවත් අමාත්‍යවරයා සඳහන් කළේය.
රසායනික පොහොර භාවිතය හේතුවෙන් සිදු වූ අහිතකර බලපෑම් සඳහා සෑම රජයක් ම වගකිව යුතු බවත් ජනාධිපතිවරයාගේ සංකල්පයක් යටතේ තිරසාර සංවර්ධනය වකුගඩු නිවාරණ වැඩසටහන ක්‍රියාත්මක කර තිබෙන බවත් ඒ මහතා පෙන්වා දුන්නේය.
ගොවිජනතාවගේ ප්‍රශ්න විසඳීම, වී ගබඩා සඳහා බැංකු ක්‍රමයක් ආරම්භ කිරීම අතිරික්ක අස්වැන්න අපනයන වෙළෙඳපොළ වෙත ගෙන යාම , ගොවිජනතාව ආර්ථික වශයෙන් ශක්තිමත් කිරීම වැනි වැඩසටහන් රැසක් රජය ආරම්භ කර තිබෙන බව ද අමාත්‍යවරයා වැඩිදුරටත් පැවසීය.
