සෞඛ්‍ය සේවා අධ්‍යක්ෂ ජනරාල්වරයා මේ බව ප්‍රකාශ කළේ, අද(01) සෞඛ්‍ය අධ්‍යාපන කාර්යාංශයේ පැවැති මාධ්‍ය සම්මන්ත්‍රණයේ දී මාධ්‍යවේදියකු විමසූ ප්‍රශ්නයකට පිළිතුරු ලබාදෙමිනි.
ඉන්දියානු රජය ප්‍රදානයක් ලෙස මෙය ලබාදෙනවා.රෝහල් ගිලන් රථ සේවය ගිලන් රථ 1000ක් සෞඛ්‍ය අමාත්‍යාංශය මඟින් ක්‍රියාත්මකයි. මෙම නියමු ගිලන් රථ සේවය රෝහල් ගිලන් රථ සේවයට සම්බන්ධ නෑ.
රිය නතුරක් හෝ හදිසි අවස්ථාවකදී එම ස්ථානයේ සිට ළඟ තිබෙන රෝහල වෙත රෝගීන් රැගෙන ඒම මෙම ගිලන් රථ සේවයෙන් සිදු වෙනවා. මෙම ගිලන් රථ සේවයේ කාර්ය මණ්ඩලය බඳවා ගැනීමට බලාපොරොත්තු වන්නේ ශ්‍රී ලංකාවෙන් බව වෛද්‍ය පාලිත මහීපාල මහතා පවසයි.
මේ සේවය ලබාදෙන්නේ කිසිදු ගෙවීමක් නොකරයි. මෙම ගිලන් රථ සේවය හොඳ පියවරක් බවද වෛද්‍ය පාලිත මහීපාල මහතා පැවසූ අතර ඉදිරියේ දී ගිලන් රථ සේවය ඇමතීමට දුරකතන අංකයක් ද ලබාදීම සිදු කෙරෙන බවද පැවසී ය.
