පසුගිය දිනකදී ඇති වූ අයහපත් කාලගුණික තත්ත්වය හේතුවෙන් නොරොච්චෝලේ විදුලි බලාගාරය අක්‍රීයවීමත් සමග එහි සිදුකරන ලද නඩත්තු කටයුතු වලින් පසුව එම බලාගාරයේ මෙගාවොට් 900ක සම්පූර්ණ ධාරිතාවය අද (29) දිනයේ සිට නැවතත් ජාතික විදුලිබල පද්ධතියට මුදාහැර ඇති බව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා ප්රකාශ කරයි.
ඒ මහතා මෙම අදහස් ප්රකාශ කළේ රුපියල් මිලියන 300 ක වියදමින් ඉදිවන කෑගල්ල නාගරික ක්‍රීඩාපිටියේ ඉදිකිරීම් කටයුතු කඩිනම් කිරීම සදහා අද (29) පස්වරුවේ ඒ පිළිබදව නිරීක්ෂණ චාරිකාවකට සහභාගී වෙමිනි.
අමාත්‍යවරයා ප්රකාශ කළේ ජාතික විදුලිබල පද්ධතියට වැඩි දායකත්වයක් සපයන නොරොච්චෝල විදුලි බලාගාරයේ පසුගියදා ඇති වූ තත්ත්වය සමනය කිරීමත් සමග නැවතත් ජාතික විදුලි බල සැපයුම සාමාන්‍ය තත්ත්වයට පත්වන බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
