අමාත්‍යවරයා පෙන්වා දෙන්නේ ජර්මානු හා ඔස්ට්‍රියානු ආයෝජකයන් ශ්‍රී ලංකාවට ගෙන්වා ගැනීම සම්බන්ධයෙන් මෙම සංචාරයේදී විශේෂ අවධානයට යොමු කරවන බවයි.
ඒ සඳහා ද්වීපාර්ශවික සාකච්ඡා වට කිහිපයක් ද පැවැත්වෙන බව රවී කරුණානායක මහතා පෙන්වා දී තිබෙන අතර යුරෝපා සංචාරයේදී GSP + සහනය නැවත කඩිනමින් ලබා ගැනීම සම්බන්ධයෙන් ද විශේෂ අවධානය යොමු කෙරෙනු ඇති බවද යුරෝපා නිල සංචාරය සඳහා පිටත්ව යාමට පෙර මාධ්‍ය වෙත අදහස් දක්වමින් අමාත්‍යවරයා මේ බව කියා සිටියේය.
එසේම ලෝක ආර්ථිකය කඩා වැටී තිබෙන අවස්ථාවක ශ්‍රී ලංකාව තුළ ඇති වී තිබෙන නව වෙනස්කම් සමඟ අපේ රට ලෝකයට එකතු කිරීමට මෙම සංචාරය හේතුවක් වනු ඇතැයි තමා විශ්වාස කරන බවත් අමාත්‍යවරයා සඳහන් කළේය.
ජනාධිපතිතුමාගේ මෙම නිල සංචාරයට මුදල් අමාත්‍යවරයාද එක්ව සිටින අතර මෙම දූත පිරිස ලබන 18 වැනි දා ඔස්ට්‍රියාව ලබා පිටත්ව යාමට නියමිත ය.
