විශිෂ්ට ව්‍යවහාර ඇගයීමේ වැඩසටහන යටතේ 2015 වර්ෂයේ තෝරාගත් පාසල් 65ක් සඳහා සම්මාන ප්‍රදානය හා පාසල් 120ක් සඳහා සහතික පත්‍ර පිරිනැමීමට නියමිතය.
"අපේ පාසල කොතරම් ගුණාත්මක ද?" යන මාර්ගෝපදේශයට අනුව පාසල්වල අභ්‍යන්තර හා බාහිර ඇගයීම් වැඩසටහන් යටතේ අභ්‍යන්තර ඇගයීම පාසල විසින් ම සිදු කරන අතර අධ්‍යාපන අමාත්‍යංශය, පළාත් අධ්‍යාපන දෙපාර්තමේන්තු හා කලාප අධ්‍යාපන කාර්යාලවල නිලධාරීන් විසින් බාහිර ඇගයීම් වැඩසටහන් ක්‍රියාත්මක කෙරේ.
සෑම වසරකම ජාතික, පළාත් හා කලාප මට්ටමෙන් ඇගයීමට ලක් කරන ලද සියලුම පාසල්වල ඇගයීමේ ලකුණු ඇතුළත් කොට කළමනාකරණ හා ප්‍රමිති ශාඛාව මඟින් පාසල් අධ්‍යාපනයේ ගුණාත්මක තහවුරුව සම්බන්ධ වාර්ෂික වාර්තා සකස් කෙරෙන බව අධ්‍යාපන අමාත්‍යංශය වැඩිදුරටත් සඳහන් කරයි.
