සැමට සෙවණ - විසිරි ණය වැඩසටහන යටතේ අනුරාධපුර දිස්ත්‍රික්කයේ තෝරාගත් පවුල් 1000කට රුපියල් මිලියන 26.1ක නිවාස ණය පිරිනැමීම නිවාස හා ඉදිකිරීම් අමාත්‍ය සජිත් ප්‍රේමදාස මහතාගේ ප්‍රධානත්වයෙන් හෙට (12) සහ අනිද්දා (13) දෙදින තුළ ක්‍රියාත්මක කිරීමට නියමිතව ඇති බව නිවාස හා ඉදිකිරීම් අමාත්‍යංශය සඳහන් කරයි.
මේ අනුව හෙට දින අනුරාධපුර උතුරු මැද පළාත් සභා ශ්‍රවණාගාරයේ දී අනුරාධපුර බටහිර, හොරොව්පතාන සහ මැදවච්චිය යන මැතිවරණ කොට්ඨාසවල පවුල් 500ක් සඳහා නිවාස ණය ලබාදීමට නියමිතය.
එසේම අනිද්දා තලාව ප්‍රාදේශීය ලේකම් කාර්යාලයීය ශ්‍රවණාගාරයේ දී තලාව, කැකිරාව සහ මිහින්තලය යන මැතිවරණ කොට්ඨාසවල පවුල් 500කට නිවාස ණය ලබා දීම සිදු වේ.
ප්‍රතිලාභීන්ට සිය නිවෙස් ඉදිකරගැනීම හෝ පවතින නිවෙස් වැඩි දියුණු කරගැනීම සඳහා මෙම ණය මුදල් යොදා ගැනීමට හැකි වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
