විශාල අස්වැන්නක් ලැබෙන කාල වලදී එම අස්වනු ගබඩා කීරීම සඳහා උසස් ප්‍රමිතීන්ට අනුකූල ගබඩා පහසුකම් සැලසීම පිණිස රජය විසින් පොළොන්නරුව, කිලිනොච්චිය හා රත්නපුර දිස්ත්‍රික්කයන් හි ගබඩා සංකීර්ණ තුනක් ඉදි කිරීම සඳහා රුපියල් මිලියන 1000ක මුදලක් වෙන් කොට තිබේ.
මෙම ගබඩා සංකීර්ණ කඩිනමින් නිමකිරීම සඳහා එහි උපදේශක කොන්ත්‍රාත්තුව, ඉංජිනේරුමය කාර්යයන් සඳහා වන මධ්‍යම උපදේශක කාර්යංශය (CECB) වෙත පදානය කිරීමට මුදල් අමාත්‍ය රවී කරුණානායක මහතා ඉදිරිපත් කළ යෝජනාවට කැබිනට් අනුමැතිය හිමි විය.
මෙම ගබඩා සංකීර්ණ වී. බඩඉරිඟු, තල, ගම්මිරිස් හා උඳු වැනි ධාන්‍ය වර්ග ගබඩා කිරීමට යොදා ගැනීමට අපේක්ෂිත අතර කෘෂිකාර්මික ක්ෂේත්‍රයේ ඵලදායීතාවය ඉහළ නැංවීම සඳහාත්, මෙම ව්‍යාපෘතිය රටේ ආහාර සුරක්ෂිතතාව තහවුරු කිරීම සඳහාත් 2016 අයවැය මඟින් ලබාගත් මූලික පියවරකි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
