වකුගඩු ජාවාරමකට ශ‍්‍රී ලාංකීය වෛද්‍යවරු 06 ක් සම්බන්ධ බවට ඉන්දීය පොලීසිය කළ අනාවරණය පිළිබද සොයාබැලීම සදහා සෞඛ්‍ය අමාත්‍යාංශයෙන් ති‍්‍රපුද්ගල විමර්ශණ කමිටුවක් පත් කර ඇතැයි සෞඛ්‍ය අමාත්‍යාංශය පවසයි.
ති‍්‍රපුද්ගල විමර්ශණ කමිටුව සඳහ සෞඛ්‍ය අමාත්‍යාංශයේ පෞද්ගලික සෞඛ්‍ය සේවා අධ්‍යක්ෂ කාන්ති ආරියරත්න මහත්මිය, බස්නාහිර පළාත් සෞඛ්‍ය සේවා අධ්‍යක්ෂ වෛද්‍ය දීප්ති පෙරේරා මහත්මිය සහ සෞඛ්‍ය අමාත්‍යාංශයේ විමර්ශණ අංශයේ ජේෂ්ඨ නිලධාරියෙකුගෙන් එම ති‍්‍රපුුද්ගල කමිටුව සමන්විත වන බව සෞඛ්‍ය අමාත්‍යාංශය නිවේදනය කරයි.
සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ උපදෙස් මත මෙම ති‍්‍රපුද්ගල කමිටුව පත් කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
