පොලිස් පරික්‍ෂක තනතුරු - 521,කාන්තා පොලිස් පරික්‍ෂක තනතුරු - 52, පොලිස් සැරයන් තනතුරු - 1861,කාන්තා පොලිස් සැරයන් තනතුරු - 567, පොලිස් සැරයන් රියදුරු තනතුරු 275 ලෙස මෙම තනතුරු පුරප්පාඩු වී ඇතැයි පොලිස් මාධ්‍ය ප්‍රකාශක කාර්යාලය පවසයි.

මේ අනුව දිර්ඝ සේවා පදනම මත ඉහත පුරප්පාඩු සම්පූර්ණ කිරිම සදහා මෙලෙස අනුමැතිය ඉල්ලා ඇත. මෙහිදි සිදුවන්නේ ජ්‍යේෂ්ඨත්වය මත ඉහත පුරප්පාඩු සම්පූර්ණ කිරිමයි.

මේ අනුව මෙම පුරප්පාඩු පිරවීමට බලාපොරොත්තු වෙයි.මේ සදහා ජාතික පොලිස් කොමිසමේ අනුමැතිය ලබා ගැනිමට පොලිස්පතිවරයා විසින් නීතිය හා සාමය අමාත්‍යාංශයේ ලේකම්තුමා වෙත ලිපියක් ඉදිරිපත් කර ඇත.ඒ සදහාපොලිස් කොමිසමේ අනුමැතිය ලද වහාම ඉහත පුරප්පාඩු සම්පූර්ණ කිරිමට නියමිතව බවද පොලිස් මාධ්‍ය ප්‍රකාශක කාර්යාලය නිවේදනය කරයි.