මේ පිළීබඳ කැබිනට් මණ්ඩලයට ආරක්ෂක අමාත්‍යතුමා වශයෙන් ජනාධිපති මෛත්‍රිපාල සිරිසේන මහතා ඉදිරිපත් කළ අමාත්‍ය මණ්ඩල සංදේශයට කැබිනට් මණ්ඩලයේ අනුමැතිය හිමිව තිබේ.
ක්‍රියාන්විත සේවයේ යෙදී සිට ශ්‍රී ලංකාවේ ස්වෛරීභාවය ආරක්ෂා කිරීම වෙනුවෙන් සහ සාමය ගොඩනැගීම වෙනුවෙන් දිවි පිදූ, අතුරුදන් වූ හා ආබාධිත තත්ත්වයට පත් වූ ත්‍රිවිධ හමුදාවේ, පොලීසියේ සහ සිවිල් ආරක්ෂක දෙපාර්තමේන්තුවේ රණවිරුවන්ට සහ ඔවුන්ගේ යැපෙන්නන්ට ප්‍රතිලාභ ලබාගත හැකි වන පරිදි විරුසර වමින් වරප්‍රසාද කාඩ්පත හඳුන්වා දීමට තීරණය කොට ඇත.
එමඟින් පාරිබෝගික භාන්ඩ මිල දී ගැනීමේ දී සහ සෞඛ්‍ය අධ්‍යාපන, බැංකු, රක්ෂණ හා කල්බදු ආදී ක්ෂේත්‍ර ගණනාවක සේවාවන් ලබාගැනීමේ දී ඔවුන්ට විශේෂ වරප්‍රසාද ලබාගත හැකිවනු ඇත.
ඒ අනුව, මේ වැඩසටහනෙහි පළමු අධියර වශයෙන් රණවිරුවන් හා ඔවුන්ගේ යැපෙන්නන් 5000ක් දෙනා වෙත එම වරප්‍රසාද කාඩ්පත ප්‍රදානය කිරීමට නියමිතය.
