ඒ අනුව එදින පෙ.ව.10.00 ට මහනුවර ශ්‍රී දළදා මාළිගාවට පැමිණෙන අග්‍රාමාත්‍යවරයා එහි ආගමික වත්පිළිවෙත් වලට සහභාගී වීමෙන් අනතුරුව එහි කෞතුකාගාරය නැරඹීමට නියමිතය.
දළදා මාළිගාවේ ආගමික වැඩසටහන් වලින් අනතුරුව මහනුවර මීර මක්කම් පල්ලියේ පවත්වන විශේෂ ආගමික වැඩසටහන සදහා පෙ.ව. 10.50 ට සහභාගී වන පාකිස්ථානු අග්‍රාමාත්‍යවරයා මහනුවර ජින්නා මධ්‍යස්ථානයට පැමිණෙ‍න්නේ පෙ.ව.11.00 ටය.
අග්‍රාමාත්‍යවරයාගේ මහනුවර සංචාරය අවසන් කරන්නේ පේරාදෙණිය උද්භිද උද්‍යානයෙනි. ඒ අනුව එදින පෙ.ව. 2.00 ට පේරාදෙණිය රාජකීය උද්භිද උද්‍යානයට පැමිණෙන පාකිස්තානු අග්‍රාමාත්‍යවරයා ඇතුළු පිරිස උද්‍යානය නැරඹීමෙන් පසු තම සංචාරය සිහිවීම පිණිස රුක් රෝපණ වැඩසටහනකටද සහභාගී වීමට නියමිතය.
AP/DMU-Kandy
