අමාත්‍යවරයා මෙසේ සඳහන් කළේ පසුගියදා (01 දා) රත්මලාන සතොස ශාඛාවේ පැවති උත්සවයකට සහභාගි වෙමිනි.
එහිදී තවදුරටත් අදහස් දැක්වු අමාත්‍යවරයා , “පාඩු ලබන ආයතනයක් ලෙස පසුගිය කාලය පුරාම ජනප්‍රිය වී තිබූ සතොස නඟා සිටුවීමට විශේෂ කඩිනම් වැඩපිළිවෙලක් ක්‍රියාත්මක කරනවා. එහි ප්‍රතිඵලය වැඩි ඈතක නොවෙයි, මේ මාර්තු 31 වන විට සතොස අනිවාර්යෙන්ම ලාභ ලබන ආයතනයක් බවට පත් කරනවා. එසේම සියළුම රජයේ සේවකයන්ට සතොසින් විශේෂ සහනදායි මිලකට පාරිභෝගික භාණ්ඩ ලබාගැනීමට වැඩපිළිවෙලක් සකස්කරන අතරම ත්‍රිවිධ හමුදාවේ ආහාරපාන සඳහා අවශ්‍ය භාණ්ඩ ද සතොස හරහා ලබාදීමට කටයුතු කරනවා .” යැයිද පැවසීය.
මේ වන විට 310 ක් වන සතොස ශාඛා ජාලය මේ වසර අවසන් වන විට 500 ක් දක්වා වැඩි කිරීමටත් එම සියළුම ශාඛා පරිගණක ගත කර පාලනය කිරීමට කටයුතු කරන බව ද අමාත්‍යවරයා පැවසීය.
AP
