ඒ මහතා මේ අදහස් පළකළේ 2016 නව වසර වෙනුවෙන් විදුලිබල හා පුනර්ජනනීය බලශක්ති අමාත්‍යාංශයේ නිල වශයෙන් රාජකාරි ඇරඹීම වෙනුවෙන් ඊයේ (01) පෙරවරුවේ අමාත්‍යාංශ පරිශ‍්‍රයේ පැවති උත්සව අවස්ථාවකට සහභාගි වෙමිනි.
මෙහිදී වැඩිදුරටත් අදහස් දැක්වූ අමාත්‍ය සියඹලාපිටිය මහතා
"අද ඉතාමත් වැදගත් දවසක්. 2016 නව වසර උදාවන දවස. අපි 2015 නිමා කළා. අද අපි මේ කරන්නේ 2015 අපේ වගකීම් හරියට ඉටුකළාද යන්න විමසා බැලීමයි. අපි අපේ කාර්යභාරය කාර්යක්ෂම, සඵලදායිව, තිර අධිටනින්, උපරිම කැපවීමෙන්, අවංකභාවයෙන්, මහජනතාවට පක්ෂපාතීව ඉටුකරනවා කියලා අපි අද ප‍්‍රතිඥා දුන්නා. මේ ටික නිසි පරිදි සිදුවෙනවා නම් අපිට අපේ රාජකාරියේ නියමිත ඉලක්ක කරා ළඟාවීම ඉතාමත් පහසු වෙනවා. මම හිතනවා අපේ නිලධාරීන් 2015 වසරේදී මේ කටයුතු නිසි පරිදි ඉටුකළා කියලා. ඒ නිසයි අමාත්‍යංශයක් වශයෙන් අපිට ඉදිරියට යන්න හැකි වුණේ. ඒ ප‍්‍රශංසාව තවදුරටත් ලබන්න පුළුවන් විදිහට අපි කටයුතු කළ යුතුයි" යැයි පැවසීය.
මෙම අවස්ථාවට විදුලිබල හා පුනර්ජනනීය බලශක්ති නියෝජ්‍ය අමාත්‍ය අජිත් පී. පෙරේරා, අමාත්‍යාංශ ලේකම් ආචාර්ය බී.එම්.එස්. බටගොඩ, අමාත්‍යතුමාගේ උපදේශක ඩබ්. බී. ගනේගල යන මහත්වරුන් ඇතුළු අමාත්‍යාංශ නිලධාරීන් සහභාගී වූහ.
