නව ගුරුවරුන් 431 දෙනෙකුට පත්වීම් ලිපි ලබාදීම වෙනුවෙන් අද (29) අධ්‍යාපන අමාත්‍යාංශයේ පැවති උත්සවයට එක්වෙමින් අමාත්‍යවරයා මේ බව සඳහන් කළේය.
මෙහිදී තොරතුරු තාක්ෂණ ගුරුවරුන් 200 ක්, බටහිර සංගීත ගුරුවරුන් 70 ක් සහ විද්‍යාපීඨ ගුරුවරුන් 161 ක් අතින් පත්වීම් ලැබූහ.
අධ්‍යාපන ක්ෂේත්‍රයේ වෙනස්කම් රාශියක් ඇතිකිරීමට තමා විසින් කටයුතු යොදා ඇති බවත්, ඒ සියල්ල විනිවිද භාවයකින් යුක්තව සිදුකරන බවත් අමාත්‍යවරයා මෙහිදී සඳහන් කළේය.
මෙවර ජාතික අධ්‍යාපන විද්‍යාපීඨ සඳහා ගුරු සිසුන් බඳවාගත්තේ ප්‍රාදේශීය ලේකම් කොට්ඨාස මට්ටමින් බවත්, ඊට හේතුව පත්වීම් ලැබුණු පසු ඔවුන්ට පහසුවෙන් සේවය කළ හැකි වාතාවරණයක් නිර්මාණය කරදීම බවත් ඒ මහතා පෙන්වා දුන්නේය.
මීට අමතරව සෑම කලාප අධ්‍යාපන කාර්යාලයකට ම එක බැගින් වන පරිදි ගුරු පුහුණු මධ්‍යස්ථාන ඇතිකිරීම සඳහා මුදල් වෙන් කර ඇති බව ද අමාත්‍යවරයා වැඩිදුරටත් ප්‍රකාශ කළා.
මේ අවස්ථාවට අධ්‍යාපන රාජ්‍ය අමාත්‍ය වී.එස්. රාධාක්‍රිෂ්ණන් මහතා, අධ්‍යාපන ලේකම් ඩබ්ලිව්.එම්. බන්දුසේන මහතා ඇතුළු අතිරේක ලේකම්වරුන් හා විද්‍යාපීඨ කොමසාරිස්වරයා ද එක්ව සිටියහ.
