2015.11.20 දින පෙර විවෘත කරන ලද ණයවර ලිපි අනුව ආනයනය කරනු ලබන විදුලි කාර් ඇතුළු සියලු කාර් එදින පෙර බලපැවැත්වූ බදු අනුපාතිකය යටතේ බදු ගෙවා නිදහස් කර ගැනීමට අමාත්‍ය මණ්ඩල අනුමැතිය ලැබුණු බව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය, සම කැබිනට් මාධ්‍ය ප්‍රකාශක ගයන්ත කරුණාතිලක මහතා පැවසීය.
මෙහිදී 2015.11.20 දිනට පෙර විවෘත කරන ලද ණයවර ලිපි මත ආනයන වාහන බදු ගෙවීමට සිදු වී ඇති ඇතැම් සමාජිකයින් තමන් එවැනි බදු ඉහළ දැමීමක් බලාපොරොත්තු නොවූ බැවින් දැඩි අසීරුතාවයකට මුහුණ දී ඇති බවට විවිධ වෘත්තිකයින්ගේ සංගම් විසින් තමන් වෙත හා අදාළ බලධාරීන්ට ඉදිරිපත් කළ දුක් ගැනවිලි අමාත්‍යවරුන් කිහිපදෙනෙකු අමාත්‍ය මණ්ඩලයට දැනුම් දී ඇත.
ඒ අනුව සිදු කළ සාකච්ඡාව අනුව මෙම තීරණය ගෙන තිබෙන බව අමාත්‍යවරයා වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
