සුළුපන්න ධීවර කාර්මිකයන් සමඟ හලාවත දී පැවැති සාකච්ඡාවක දී ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතා මේ බව සඳහන් කළේය.
මෙහිදී සුළු පන්න ධීවර කාර්මිකයින් ඉදිරිපත් කළ ගැටළු එකිනෙකට විසඳුම් ලබා දුන් අතර ඇතැම් ගැටළු නිලධාරීන් වෙත යොමු කරමින් දිලිප් වෙදආරච්චි මහතා උපදෙස් දෙනු ලැබුවේ එම ගැටළු වලට කඩිනම් විසඳුම් ලබා දෙන ලෙසය.
ධීවර ක්ෂේත්‍රයේ මතුව ඇති ඇතැම් ගැටළු පිළිබඳව ජනාධිපතිතුමාගේ මෙන්ම අග්‍රාමාත්‍යතුමාගේ අවධානයට ලක්කර විසඳුම් ලබා දීමට පියවර ගන්නා බව අමාත්‍යවරයා කියා සිටියේය.
මහා සාගරය විනාශ කරමින් මත්ස්‍ය සම්පතට හානි කරන කිසිදු නීති විරෝධී ක්‍රියාවකට ඉඩ නොතබන්නැයි නිලධාරීන්ට පැහැදිලිව උපදෙස් දී ඇතැයි අමාත්‍යතුමා මෙහිදී අවධාරණය කළේය.
මෙම අවස්ථාවට පුත්තලම් දිස්ත්‍රික් පාර්ලිමේන්තු මන්ත්‍රී හෙක්ටර් අප්පුහාමි මහතා මෙන්ම පළාත් සභා හා ප්‍රාදේශීය සභා නියෝජිතයින් පිරිසක් ද එක්ව සිටියහ.
AP
