ශ්‍රී ලංකාවේ සිය ආයෝජන කටයුතු සිදු කිරීමේ මූලික වටයේ සාකච්ඡා මෙහි දී පැවැත්විණි.
හර්බජාන් සිං එහි දී සඳහන් කළේ 2016 අයවැය මගින් ආයෝජකයන් දිරිමත් කර තිබීම ශ්‍රී ලංකා සංචාරයට හේතුව වූ බවයි.
විවිධ ක්ෂේත්‍ර යටතේ ඉදිරියේ දී ශ්‍රී ලංකාවේ ආයෝජනය කිරීමට සූදානම් බව ද හෙතෙම සඳහන් කළේ ය. වෙනත් විදෙස් රටක ආයෝජන සිදු කිරීමට වඩා ශ්‍රී ලංකාවේ ආයෝජන සිදු කිරීමට ලැබීම සතුටට කරුණක් බවත් එය ශ්‍රී ලංකාව සහ ඉන්දියාව අතර පවතින සබඳතාව ශක්තිමත් කරවන්නක් බවත් සිං පෙන්වා දුන්නේ ය.
මෙහි දී අමාත්‍ය රවී කරුණානායක මහතා ප්‍රකාශ කළේ 2016 අයවැය මගින් විදෙස් ආයෝජකයින් දිරිමත් කිරීම සඳහා හඳුන්වා දුන් වැඩපිළිවෙළ මෙවන් සුපිරි චරිත ශ්‍රී ලංකාවේ ආයෝජනය සඳහා පැමිණීම තුළින් වඩාත් ප්‍රත්‍යාක්ෂ වන බවයි.
