ඒ අනුව බඩ ඉරිඟු, සෝයා, ලොකු ලූණු, මිරිස්, අර්තාපල්, මුං ඇට, කව්පි, රටකජු, තල, උඳු, කුරක්කන්, කහ වැනි භෝගවල වාර්ෂික නිෂ්පාදන දෙගුණ කිරීමේ වැඩපිළිවෙලක් සකස් කර ඇති බව ද අමාත්‍යවරයා තවදුරටත් පැවසීය.
ඊට අමතරව එළවලු නිෂ්පාදන කලාප සංවර්ධනය තුළින් වර්තමාන නිෂ්පාදනය 150% කින් වැඩි කිරීම, ඵලදායිතාවය නැංවීම හා පුද්ගලික අංශයේ පූර්ණ දායකත්වයෙන් ආරක්ෂිත ගෘහ තුළ සහ ක්ෂේත්‍රයේ අවාරයේ නිෂ්පාදනය වැඩි කිරීම සඳහා කටයුතු කරන බවත් අලෙවි ජාලය ශක්තිමත් කිරීමෙන් පසු අස්වනු තාක්ෂණය වැඩි දියුණු කිරීමට පියවර ගන්නා බව ද අමාත්‍යවරයා පැවසීය.
කෘෂි අංශයේ සංවර්ධනය උදෙසා ජනාධිපතිතුමාගේ හා අගමැතිතුමාගේ මඟ පෙන්වීම මත දීප ව්‍යාප්තව තුන් අවුරුදු වැඩසටහනක් ක්‍රියාත්මක කිරීමට නියමිතය. මේ සදහා තම අමාත්‍යංශයේ සක්‍රීය දායකත්වය ජාතික, පළාත් හා දිස්ත්‍රික්ක මට්ටමින් සියලු පාර්ශවකරුවන්ගේ වෙත ලබාදීමට කටයුතු කරන බව ද අමාත්‍ය වසන්ත අලුවිහාරේ මහතා පැවසීය.
AP
