ඒ අනුව කළුතර බණ්ඩාරගම මධ්‍ය මහා විද්‍යාලයේ “අපටත් නායකයෙක්”, තඩලගාම කුලක්කෝට්ටම් දෙමළ විද්‍යාලයේ “ඔන්රු පට්ටල් උන්ඩු වාල්වු”, හලාවත නාත්තන්ඩිය ධම්මිස්සර මධ්‍ය මහා විද්‍යාලයේ “ද බෙස්ට් ගිෆ්ට්”, එස්. අරඹේගෙදර ගේ “අපි අපි යාළුයි”ළමා නාට්‍ය සතර වේදිකාගත කෙරේ.
ඊයේ (15) කොළඹ13, යහපත් එඬේරානන්ගේ කන්‍යාරාමයේ “අද වගේ දවසක්”, කල්මුනේ, තිරික්කෝවිල් විනයාර්ගකුරම් මහා විද්‍යාලයේ “උරිකලිතෛයි අන්බු වයිප්පෝම්”, ඇඹිලිපිටිය ජනාධිපති විද්‍යාලයේ “අ ගුඩ් ප්‍රෙන්ඩ්”, ඩී.කේ. ආටිගල ගේ “අකුරු බූරුවා” වේදිකාගත කෙරුණි.
පස්වරු 5.00ට කොළඹ 07, නව නගර රඟහලේ දී ආරම්භ වන අතර එහිදී ළමා නාට්‍ය 04ක් වේදිකාගත කිරීමට නියමිතය.
සිංහල, දෙමළ හා ඉංග්‍රීසි ළමා නාට්‍ය එක ම වේදිකාවේ දී පැවැත්වෙන මෙම ළමා නාට්‍ය උළෙලේ අවසන් වටය සඳහා භාෂා තුනෙන් ම සීමිත අංශයෙන් ළමා නාට්‍ය 30ක් හා විවෘත අංශයේ නාට්‍ය ළමා නාට්‍ය 18ක් තේරාගෙන ඇත.
සංස්කෘතික හා කලා කටයුතු අමාත්‍යාංශයේ උපදෙස් පරිදි සංස්කෘතික කටයුතු දෙපාර්තමේන්තුව හා ශ්‍රී ලංකා කලා මණ්ඩලයේ රාජ්‍ය නාට්‍ය අනුමණ්ඩලය එක් ව 2014 රාජ්‍ය ළමා නාට්‍ය උළෙල සංවිධාන කරනු ලබයි.
DB
